Abante Tonite Interactive

Katransaksyon maaring kasuhan ng estafa

359

Atty. Claire Castro

Dear Atty. Claire,

Ako po ay member isang business company ng mga product cosme­tics and food supplement.

Nakilala ko si Maria na taga-Madrid, Spain dahil sa hipag ko na nandoon din. Sa unang transaction po namin ay nagpadala siya ng pera para ibili ko siya ng mga produkto at ipadala sa mga pabalik na kababayan papuntang Madrid, Spain. Matapos ang ilang buwan ay nakiusap siya na meron daw pabalik ulit ng Spain at kung puwede ay ako muna ang maglalabas ng pera at ibebenta niya lahat ng produkto. Tiwala ako kasi alam ko OFW siya at mababalik din na-invest ko na pera. Mayroon siyang ni-refer na isang Liza para kumuha ng isang package. Umabot sa 40,000 nailabas ko.
Matapos makuha ni Liza ang produkto ay kaunti lang binalik sa akin hanggang sa nag-away kami kasi kakasingil ko sa kanya para ibalik ang pera ko o produkto. Tanong ko po ano po puwede ko isampa na kaso sa kanya at may laban po ba ako. Maari po bang isampa kaso kung nasa ibang bansa siya.
Sana po matulungan n’yo ako,

Janice

Related Posts

Janice,
Tunay na mahirap ang sitwasyon mo dahil nasa ibang bansa ang iyong kausap at maaari niyang sabihin na ang panloloko ay hindi naganap sa Pilipinas dahil nasa Spain siya.

Ang nakikita kong maaari mong gawin ay sampahan ng kasong estafa si Maria at si Liza na siyang nasa Pilipinas para kuhanin ang mga produkto mula sa iyo. Maaari mo kasing patunayan ang sabwatan o conspiracy na namagitan sa kanilang dalawa para lokohin ka.

Kahit nasa Spain si Maria makakapagsampa ka pa rin ng estafa, isang continuing crime, laban sa kanilang dalawa dahil maaari kang magsampa ng kasong kriminal sa mga lugar kung saan naganap o nangyari ang anumang elemento ng krimen. Dahil sa Pilipinas galing ang produkto at dito rin sa Pilipinas mo ibinigay ang produkto ay maaari mo silang sampahan dito sa Pilipinas.

Sabi nga sa kasong SOLEMNIDAD M. BUAYA vs. THE HONORABLE WENCESLAO M. POLO, Presiding Judge, Branch XIX, Regional Trial) Court of Manila and the COUNTRY BANKERS INSURANCE CORPORATION, G.R. No. L-75079 January 26, 1989:
xxx, the crime of estafa is a continuing or transitory offense which may be prosecuted at the place where any of the essential elements of the crime took place. One of the essential elements of estafa is damage or prejudice to the offended party. The private respondent has its principal place of business and office at Manila. The failure of the petitioner to remit the insurance premiums she collec­ted allegedly caused da­mage and prejudice to private respondent in Manila.”

Kung may katanu­ngan pa ay tumawag lamang sa 410-7624 o mag-email sa attorneyclaire@gmail.com.