Kris nagpayo sa Sex and Vanity
NI: VINIA VIVAR
Malaki pala ang partisipasyon ni Kris Aquino sa bagong release na libro ni Kevin Kwan titled Sex and Vanity. Ini-reveal ng Crazy Rich Asians author sa kanyang exclusive interview sa Metro.Style na personal niyang tinawagan si Kris para humingi ng advice hinggil sa dalawang Filipino characters na dine-develop niya para sa naturang libro.
Ang mga naturang karakter ay ang magkapatid na Paloma at Mercedez Ortiz na included din sa movie version ng libro.
“Actually, I had asked my friend Kris Aquino for recommendations on the school of the Ortiz sisters,” pahayag ni Kevin.
Ang suggestion daw ni Kris ay an St. Scholastica’s College, a Catholic institution for women that was established in 1906.
“This might have come to pass because Kris’ mom, the late president Corazon Aquino, is one of the school’s distinguished alumna, who even has the Cory Aquino Hall named after her,” pahayag ni Kevin.
Ayon pa sa sikat na nobelista, importante raw ang edukasyon sa Sex and Vanity dahil ito ang highlight ng background ng mga karakter.
“And for me, I wanted to poke fun at educational snobs. I went to public high school, public university, and I thought I had a great education.
“And then I moved to New York! I was going to parties and I was meeting all these young East Coast elites, and within three minutes of meeting them, they will tell you they went to Harvard, to Princeton, to Stanford—and where did you go?” he said.
Matatandaang nagkaroon ng special appearance si Kris sa movie adaptation ng Crazy Rich Asias kung saan ay ginampanan niya ang papel na Princess Intan. (Vinia Vivar)