Abante Tonite Interactive

Kylie nagpaliwanag sa pagdura kay Maxine

480

Nagsalita na si Kylie Versoza na talagang naduraan niya ang co-star sa “Los Bastardos” na si Maxine Medina sa isang mainit na eksena nila sa nasabing serye.

Pero aniya, right there and then, after the take ay nag-sorry agad siya kay Maxine.

“There was an apology happened on the set, right after, we talked na with Max and everything is okay already,” sabi ni Kylie sa kanyang interview aired on “TV Patrol”.

Dagdag pa ng Miss International 2016, nag-taping na nga raw sila ulit ni Maxine.

“Nag-taping na kami, gumawa pa kami ng kadami-daming eksena, mabibigat,” sey niya.

Ikinatwiran din ng dalaga na nadadala raw siya sa mabibigat na eksena sa “Los Bastardos” lalo na ngayong magtatapos na ito.

“Last two weeks of ‘Los Bastardos’, emotions are so high, scenes are so intense, intense ever, kontrabida pa ‘ko, so minsan, napapadala talaga sa eksena, ‘di ba? You can’t help it, minsan may extra slap, may extra sampal, may nasasaktan talaga,” ani Kylie. (Vinia Vivar)