Abante Tonite
Mabilis sa Balita

Lebron piyesta sa slam dunk

0 87

NAGPIYESTA sa slam dunk ang 17-anyos na si Francis “Lebron” Lopez sa pangunguna nito sa Gilas Pilipinas na iuwi ang ikalawang sunod na panalo sa pagbibigay leksiyon sa Cambodia, 100-32, sa pagpapatuloy ng basketball event ng 31st Souteast Asian Games sa Thanh Tri Gymnasium sa Hanoi, Vietnam.

Nagtala si Lopez ng kabuuang 17 puntos kasama ang 5 rebounds, 1 assist, 1 steal at 2 blocks sa 26 minuto nitong paglalaro sa dominanteng panalo ng Gilas matapos ang nakakakaba nitong unang panalo kontra sa Thailand.

Nilimitahan ng Gilas sa single digit na pag-iskor lamang ang Cambodia sa apat na yugto sa 9, 8, 6 at 9 habang nagtala ito ng 32, 25, 14 at 29 upang manatili sa liderato ng best record format na magwawagi sa gintong medalya.

SM SuperKidsDay Banner Ad

Tumulong si William Navarro na may 16 puntos, 7 rebounds, 2 assist, 1 steal at 1 block habang ang pumalit kay Kevin Alas na si Jaydee Tungcab ay nagtala ng 14 puntos, 2 rebounds, 2 assists at 5 steals.

Nagtala din si Isaac Go ng 13 puntos, 12 rebounds, 2 assiists at 1 steal habang si Matthrew Wright na sinimulan ang manit na shooting ng koponan ay may 10 puntos, 2 rebounds, 2 assists at 1 steal tungo sa 68 puntos na panalo.

Sunod na makakasagupa ng Gilas ang Singapore Miyerkoles, Mayo 18. (Lito Oredo)

Leave A Reply

Your email address will not be published.