Abante Tonite Interactive

Liwanen niligtas ang ‘Pinas sa pagkabokya

963

Niligtas ni Estie Gay Liwanen ang bansa sa pagkabokya sa medalyang ginto sa PH 30th Southeast Asian Games 2019 kurash competitions Martes sa Laus Group Events sa San ­Fernando City, Pampanga.

Ang mga kakuwadra ni ­Liwanen mga nakuntento sa dalawang silver at apat na bronze medal para pumangatlo ang ‘Pinas sa nasabing sport.

Dinemolis ni Liwanen sa gold meatch si Shifa Khasani ng Indonesia, 5-0.
Dinomina ng Vietnam ang kurash sa nasikwat na pitong gold sa 10 pinaglabanan.

Nagtala ng impresibong ­panalo sina Bui Minh Quan, Duc Dong, Ngoc Son, Nguyen Thi Lan at Ho Thi Thinh upang isubi ang pitong gold, isang ­silver at dalawang bronze ­medals ng Vietnamese.

Nasa pangalawang puwesto ng medal tally sa kurash ang Thailand, kumolekta ng 2-2-4 gold-silver-bronze. (Elech Dawa)