Abante Tonite
Mabilis sa Balita

Lovi, Benjamin humugot sa K-drama

0 105

NI: ROLDAN CASTRO

Sa interview sa IJuander, inamin ng Owe My Love lead stars na sina Lovi Poe at Benjamin Alves na nakahiligan na raw nila pareho ang panunuod ng K-Drama. In fact, ginawa raw nila itong inspirasyon para sa kanilang GMA Telebabad series.

“I watched ‘Crash Landing On You’ as my first K-drama and since then, wala na, hindi na ako tumigil. Instantly, no fail, yung mga K-drama nagiging paborito ko sila at that very moment,” saad ni Lovi.

Si Ben naman, nagandahan sa ‘Reply 1988.’ “Favorite ko is ‘Reply 1988.’ For sure, yun po ang number 1 para sa akin. ‘Yung mga tema po nila sa mga subject, Pinoy na Pinoy talaga.”

Bilang paghahanda naman para sa kanyang karakter sa OML as Doc Migs Alcancia, pinanuod daw ni Ben ang “Dr. Romantic” and “Hospital Playlist.” “Ni-recommend sa akin ni Lovi na panoorin dito is Dr. Romantic, Hospital Playlist kasi parehas ang treatment and medyo light lang sila.”

Si Lovi naman ay nanood din ng iba’t ibang K-dramas para sa kanyang character na si Sensen Guipit. “Binigyan ako ng tip na manood ng K-drama kasi parang ganun ang atake ng TV show namin na Owe My Love. I made sure na manuod talaga ako para matuto ako,” aniya.

SM food to go Banner Ad

Bukod sa kilig na dala nina Lovi at Ben, lutang din ang galing sa pag-arte ng buong cast ng serye. Maraming viewers ang nakaka-relate sa OML na umiikot sa pamilya at usaping pera.

Bagong show kasado na

Sunud-sunod ang mga regalong handog ng GMA-7 para sa kanilang loyal supporters. Matapos ianunsyo ang ilan sa mga programang mapapanood ngayong taon, pinaghahandaan na rin ng istasyon ang iba pang mga teleserye na maghahatid ng saya sa mga Kapuso fans.

Ilan lang sa mga programang dapat abangan ay ang ‘Hope Delivers,’ ‘The Space Between Us,’ ‘The Kitchen Prince,’ ‘Born For Love,’ ‘Two Hearts,’ ‘Heart of an Angel,’ ‘Raising Mamay,’ at ‘Love from Beyond.’

Bukod pa riyan, tiyak na kagigiliwan din ang mga programang ‘Running Man Philippines,’ ‘’Lam Na,’ ‘Moomoos Girls,’ ‘Studio Juan,’ ‘Supermom,’ ‘One Knife Only,’ at ‘Grad Waiting.’

Sinu-sino kaya ang mga Kapuso stars na bibida sa mga programang ito? Sa dami ng bagong show, di sila nganga!

Leave A Reply

Your email address will not be published.