Abante Tonite
Mabilis sa Balita

LPGMA partylist patok sa mga konsyumer

0 48

Nakakasigurado na ang LPG Marketers Association (LPGMA) Party-list ng di-bababa sa isang puwesto sa susunod na Kongreso base sa pinakabago at huli nang survey ng Social Weather Stations (SWS) para sa mga party-list group bago ang halalan sa Mayo 9.

Sa nasabing SWS survey na isinagawa noong Abril, panglima ang LPGMA kung saan pinili ito ng 3.02% ng respondents o katumbas ng mahigit 1.3 milyong boto.

“This is a result of the information campaign that we have been conducting over the past year about the importance of consumer safety and providing access to fair-priced liquified petroleum gas (LPG) in the market,” ani LPGMA Rep. at first nominee Allan Ty bilang tugon sa magandang resulta ng survey.

Napakalaki ng nangyaring pag-angat sa survey ng LPGMA nakaraang buwan kung ikukumpara sa kaparehong survey ng SWS noong Marso kung saan pang-30 sa 1.19% o katumbas ng mahigit 500,000 boto.
Sinabi ni Ty na nakatulong nang malaki ang kanilang pag-iikot sa mga komunidad upang mabatid ng mga mamamayan na ang LPG ay isang importanteng produkto para sa milyon-milyong tahanang Pilipino at kailangang siguruhin ang kaligtasan ng lahat ng mga gumagamit nito sa pang-araw-araw.

Nananalig ang kinatawan ng LPGMA na magpapatuloy ang kanilang representasyon sa Mababang Kapulungan ng Kongreso lalo’t kailangang protektahan ang mga Pinoy consumer laban sa mga mapagsamantalang illegal dealer na nagbebenta ng mga substandard at depektibong LPG na maaaring pagsimulan ng sunog na maaaring makakitil ng mga buhay at makawasak ng mga ari-arian.

Leave A Reply

Your email address will not be published.