Abante Tonite
Mabilis sa Balita

Lupa gumuho, 17 pamilya nawalan ng haybol

0 106

Aabot sa 17 pamilya ang nawalan ng bahay sa pagguho ng lupa sa Baran­gay Poblacion, Bakun, Benguet bun­sod ng masamang panahong dala ng bagyong ‘Maring’.

Ayon sa Benguet Disaster Risk Re­duction Office (BDRRO) kahapon, umabot sa 15 bahay ang nadamay sa pagguho, na nagdulot din ng pinsala sa bahagi ng barangay hall.

Sinabi ng ahensiya, kasalukuyang na­kikitira sa bahay ng mga kaanak at kapit­bahay ang mga apektadong pamilya.

Napag-alaman na napagigitnaan ang Bakun ng tatlong bundok, kasama ang Mount Kabunian sa nasabing lala­wigan.

SM SuperKidsDay Banner Ad

Ayon kay Osias Mateo Jr., chairper­son ng Barangay Poblacion, gagamitin nila ang supplemental budget para bu­mili ng mga kailangan sa clinic at titing­nan kung may maisasalba ring gamit.

Samantala, ayon kay Bakun Mayor Bill Raymundo, plano niyang hilingin ang pagdedeklara ng state of calamity para matulungan ang kanilang bayan na maka-recover agad.

Sa ngayon, ayon sa alkalde, hindi pa muna tumatanggap ng bisita ang naturang bayan. (Allan Bergonia)

Leave A Reply

Your email address will not be published.