Maagang Christmas break

Namumurong mapaaga ang bakasyon ng mga mag-aaral sa Disyembre kapag kinasahan ng Department of Education (DepEd) ang hirit ng isang senador.

Sinabi kahapon ni Sen. Grace Poe na kakausapin niya si DepEd ­Secretary Leonor Briones sa Lunes para hilingin na agahan­ ang Christmas­ break ­dahil sa inaasahang bibigat­ ang daloy ng t­rapiko sa Kapaskuhan.

Kahapon sana ihahain ni Poe ang proposal sa pagdinig ng Senate committee on public services sa emergency power sa Pangulo para maresolba ang traffic crisis sa Metro Manila p­ero walang pinadalang kinatawan ang DepEd.

“Sa Lunes tatanungin ko si Sec. Briones baka naman pwedeng payaga­n ang mga paaaralan na a­gahan ang Christmas vacation para hindi na sabay-sabay sa lansangan lahat ng mga.. ang sasakya­n ng mga bata, Pwede na rin sila­ magpahinga kasama ng kanilang pamilya,” ayon­ sa senador.

“Kasi kung aagahan­ ­natin ang bakasyon puwed­e naman bawiin­ in the c­oming months na hindi­ naman ganoon ka-busy ang ating mga kababayan,­” paliwanag pa niya.

Sa isinagawang presentasyon kahapon ni Department of Transportation (DOTr) Secretary Arthur Tugade sa komite, wala pang linaw kung kailan luluwag ang daloy ng trapiko sa Metro Manila.