Abante Tonite Interactive

Madayag, Almadro padehado ang peg

368

Kahit na-elims sweep ang Uste

Sasandal sa puso at determinasyon si Madeleine Yrenea ‘Maddie’ Madayag at ang Ateneo Lady Eagles sa UAAP Season 81 women’s indoor volleyball best of three Finals Game 1 kontra Sto. Tomas Golden Tigresses ngayon, Sabado ng alas-kwatro nang hapon sa Araneta Coliseum.

Mainit pa ang panalo ng Loyola Heights-based squad laban sa FEU Lady Tamaraws sa knockout semifinals nitong Miyerkoles, 25-20, 21-25, 25-23, 25-14.

Magugunitang winalis ng ADMU ang Uste sa two-round eliminations sa loob ng apat at limang set kung saan umukit ng record breaking 11 blocks si 5-foot-11 middle hitter Madayag. Pero para sa graduating blocker, alam niyang ‘di basta magpapasindak angmga balibolista ng Espanya.

“Ibang usapan naman ang finals sa elimination round, for sure both teams will give everything they got,” komento ni Madayag. “It all boils down to character.”

Pinunto naman ni Ateneo coach Oliver Almadro ang mga bentahe ng UST.
“Well alam naman natin sa umpisa pa lang, talagang firepower ang UST, and they are well-rested, so ’yun ang advantage,” aniya.Muling makakasangga ni Madayag sina Katrina Mae ‘Kat’ Tolentino,

Pauline Marie Monique ‘Ponggay’ Gaston, Julianne Marie ‘Jules’ Samonte, Isabel Beatriz ‘Bea’ de Leon, Ma. Deanna Isabella Wong at Danielle Theris ‘Dani’ Ravena para masungkit ang unang panalo. (Janiel Abby Toralba)