Abante Tonite
Mabilis sa Balita

‘Magic stop light’ sa Maynila gatasan ng mga tiwaling enforcer

0 1,056

Ginagawa umanong gatasan ng mga nangongotong na miyembro ng Manila Traffic and Parking Bureau (MTPB), ang isang ‘magic stop light’ na matatagpuan sa panulukan ng Abad Santos Avenue at Antipolo Street, Blumentritt, Maynila.

Isang netizen, na ‘di na nagpabanggit ng pangalan ang nagreklamo sa Abante Tonite dahil nabiktima ng naturang stop light noong Biyernes, alas-10:00 ng gabi. Nalaman sa motorista na naka ‘go’ umano ang traffic light at nasa 12 segundo pa ito nang biglang mag-yellow pagtawid sa nabanggit na lugar.

Kasunod nito ay pinara na siya ng dalawang miyembro ng MTPB na inilarawan niya na mataba habang ang isa naman ay maliit na nag-aabang nang mahuhuling violator sa lugar. Wala naman umano siyang magawa dahil pilit siyang inaakusahan ng beating the red light.

Hiningan umano siya ng P500 pero dahil P200 lang ang pera niya sa bulsa ay iyon na lang ang kanyang binigay. Nabatid na marami na umanong nabiktimang motorista ang naturang nangongotong na enforcer. Hiningi ng Abante Tonite ang panig ng MTPB pero wala pa itong tugon. (Juliet de Loza-Cudia)

Leave A Reply

Your email address will not be published.