Abante Tonite Interactive

Market value ng Smart, Globe tatapatan ng 3rd telco

By
5,155

Kumpiyansa ang isang kongresista na papalo sa P300 bilyon ang ‘market value’ nang papasok na pangatlong telecommunications service provider.

Ayon kay Makati City Rep. Luis Campos, Jr., kayang makipagsabayan ng 3rd telco lalo na’t maraming Pinoy ang sabik nang makaranas ng mabilis na koneksyon ng internet.

“There is room for the new entrant to come in, simply because there is pent-up demand for faster mobile phone Internet connection speeds among Filipinos,” pahayag ni deputy minority leader Campos.

“This unusually strong demand is not being fully satisfied because neither of the two existing players is willing to supply the superior connection speeds at a lower price,” dagdag nito.

Hindi aniya nalalayo ang P300 bilyon sa kasalukuyang market value ng PLDT Inc. at Globe Telecom Inc.

Base sa closing prices ng common shares sa Philippine Stock Exchange (PSE) nitong Pebrero 15, ngayong taon ang PLDT ay may market value na P336 bilyon habang ang Globe naman ay P240 bilyon.

Samantala, welcome kay Campos ang plano ng Department of Information and Communications Technology (DICT) na mag-adopt ng isang common tower policy.

“The idea is not new. In America, they actually have a large company engaged only in the business of owning and operating wireless and broadcast communications towers,” pagpupunto ng solon na ang tinutukoy ay ang American Tower Corporation na isang New York Stock Exchange-listed firm na kasama sa S&P 500 Index.

“Common towers will work as long as these are run by an independent company,” batay pa kay Campos.