Abante Tonite Interactive

Masaker sa Cagayan 4 niratrat habang bumibirit sa videoke

By
231

Patay ang apat katao matapos silang ratratin ng dalawang lalaki habang kuma­kanta sa loob ng vi­deoke bar kahapon ng madaling-araw sa bayan ng Lal-lo, ­Cagayan.

Kinilala ni Lal-lo Police Station (LPS) chief of police Sr. Supt. Warren Tolito ang napatay na sina Princess Angelica Javier at asawang si Eugene Javier; Ramsey at asawa nitong si ­Michaela Javier.

Sa inisyal na im­bestigasyon, ayon kay Tolito, bago ang pamamaril ay nagkaroon ng mainitang pagtatalo sa labas ng Solomon Hotel building sina Princess at ang isa sa mga suspek.

Abante Hiring – IT dep

Matapos ang pagtatalo, pumasok na sa videoke bar sa loob ng hotel ang dalawang pares na mag-asawa.

Ayon sa ilang saksi, lingid sa kaalaman ng mga ­biktima, pumasok ang dala­wang suspek at kinom­pronta ang guest relation officer na si Manilyn Albano at hinanap si Eugene, na siyang may-ari ng videoke bar.

Itinuro naman ni Albano ang kina­roroonan ng mga biktima na noo’y masayang kumakanta habang umiinom.

Dito’y walang sabi-sabi nang pinaulanan ng bala ang mga biktima tsaka agad na nagsitakas.

Patuloy na nagsasagawa ng follow-up investigation ang LPS hinggil sa insidente.