Abante Tonite Interactive

Melagrana sa Philippines Trophy Race

By
7

NAGOYA, Japan –Napanalunan ni Melagrana ang Philippines Trophy Race na pinag­labanan noong Linggo sa JRA Asia Week of Racing sa napakala­king Chukyo Racecourse dito sa Nagoya.

Sakay si Yuichi Fukunaga, may dalawang kabayong nanalo si Melagrana (Fastnet Rock -Secret Savings) laban sa 15 kabayong pulos mga 3-year-olds na nakalaban sa distan­syang 1,200 meters.

­Palahi ito mula sa Australia at pag-aari ni Kazumi Ushida, na nakatangay ng first prize na Yen15-million (USD150,000 o P7.05-million) mula sa total prize na Yen29-million (USD291,000 o P13.67-million) na inisponsoran ng nag-orga­nisang Japan Racing Association.

Abante Hiring – IT dep

Nasegundo ang dehadong si Happiness (Commands-King’s Best) na pag-aari ni Sheikh Mohammed bin Rashid Ak Maktoum ng Dubai na nabiyayaan ng second prize na Yen6.1-million (USD60,000). Natersero ang dehado ring Kitasan Love na sumungkit ng third prize na Yen3.8-million (uSD38,000). Pang-apat ang na-llamadong Nishino Rush na kumuha ng Yen 2.3-million (USD23,000), panlima si Great Charter na nakasalba ng Yen 1.5-milllion (USD15,000).

Pinamunuan ni Chukyo Racecourse Gene­ral Manager Toshinori Oogoshi ang awarding ceremony matapos ang karera para para­ngalan ang winning connections ni Melagrana. Sinama­han siya nina MetroTurf vice presidents Ronald Alfeche at Andy Sevilla, na kumatawan sa Pilipinas sa nasabing okasyon.

Ang Philippines Tro­phy ay isa sa ­tatlong pinaglabanan noong Linggo sa Chukyo Race­course, ­pagkatapos ng Macau Trophy at Singapore Trophy Ra­ces. Meron ding tatlong pinaglabanan noong Sa­­bado, ang India Trophy, Malaysia Trophy, at Thailand Trophy races.