Abante Tonite Interactive

Mga Pinay dh kailangan sa China

324

Magiging in-demand umano ng mga Filipino household service workers (OFW) sa China, ayon sa ACTS-OFW party-list.

Sa isang statement, sinabi ni Rep. Aniceto Bertiz III na lumalaki ang pangangaila-ngan sa mga Filipino domestic helper sa China bunsod pa rin ng pagdagsa ng may 600,000 expatriates .

“Demand is being driven by China’s rapid economic growth, which has lured some 600,000 expatriates to live and work there, as well as the growing number of upper middle class Chinese families who want their children to grow around English-speaking nannies,” sabi ni Bertiz.

Ayon kay Bertiz, mas maganda ang pamumuhay sa China kung ikukumpara sa Gitnang Silangan.

“The problem with the Middle East is that they still have the Kafala system, which China does not have,” dagdag nito.

Ang Kafala ay isang sponsorship system na umiiral sa mga Middle Eastern country upang i-monitor ang mga f­oreign workers, partikular yun mga nasa construction at domestic service.

Alinsunod sa nasabing sistema, lahat ng unskilled migrant workers ay kinakailangan may in-country sponsor para sa kanilang visa.

Ang Kafala ay ipinaiiral sa Saudi Arabia, United Arab Emi-rates, Qatar, Kuwait, Bahrain, Iraq, Jordan, Lebanon at Oman. Ang sistema ay mahigpit na tinutuligsa ng mga international human rights groups dahil nagiging daan ito sa pang-aabuso sa maraming migrant workers. (Prince Golez)