Abante Tonite Interactive

Mga programa sa Semana Santa, inilatag na

889

NI: ROLDAN CASTRO

Isang espeyal na Lenten programming ang hatid ng ABS-CBN tampok ang hit Star Cinema movies at mga palabas na puno ng inspirasyon habang maghahatid din ito ng pinakabagong balita sa “News Patrol” mula Huwebes Santo (Abril 9) hanggang Sadado de Gloria (Abril 11).

Ang “News Patrol” ay isang 20-minute na newscast na maghahatid ng baging balita habang nasa ilalim ng enhanced community quarantine ang buong bansa.

Samantala, matutuinghayan naman nag manonood ang puno ng aral na mga pelikula at programa sa telebisyon ngayong Semana Santa.

Sa Abril 9 (Huwebes), tunghayan sina Laida Magtalas (Sarah Geronimo) at Miguel Montenegro (John Lloyd Cruz) na magpapakita ng tibay ng pagmamahalan sa kabila ng kanilang magkaibang mundo sa “A Very Special Love” (12 NN) at sequel nito na “You Changed My Life” (2 PM). Sa gabi naman, wagas na pag-ibig ang masasaksihan sa “She’s Dating the Gangster” (8 PM) na pinagbibidahan nina Daniel Padilla at Kathryn Bernardo.

Related Posts

Bukod dito, mapapanood din sa Huwebes Santo ang mga programang puno ng aral na “Superbook” (6 AM), “Free Willy 3” (6:30 AM), “Your Name” (8 AM), “The Chronicles of Narnia: The Lion, The Witch, and the Wardrobe” (10 AM), “Moments with Fr. Jerry” (4 PM), “The Lord’s Supper” (5 PM), “The Bible” (6 PM), “Wonderful Nightmare” (10 PM), at ang restored version ng “Ibong Adarna” (11:30 PM).

Sa Abril 10 (Biyernes), mapapanood naman ang tambalan nina Bea Alonzo at Aga Muhlach sa “First Love” (8 PM), samantalang magtuturo naman ng kabutihan sa Biyernes Santo ang mga programa at pelikulang “Superbook” (6 AM), “Mr. Popper’s Penguins” (6:30 AM), “The Chronicles of Narnia: Prince Caspian” (10 AM), “Seven Last Words” (12 NN), “Veneration of the Cross” (3 PM), “I Am Patrick” (4 PM), “The Bible” (6 PM), “Be With You” (10:30 PM), at “Wonder” (11:30 PM).

Pagdating naman ng Abril 11 (Sabado), muling mapapanood sa telebisyon sina Bea at John Lloyd sa Star Cinema blockbuster movie na “One More Chance” (12 NN) at “A Second Chance” (2 PM), samantalang pangarap at pagsasakripisyo naman ang ipapamalas sa “Barcelona: A Love Untold” (7:30 PM) ng KathNiel. Mapapanood din sa Sabado De Gloria ang “Superbook” (6AM), “Dr. Dolittle 2” (6:30 AM), “Fireworks” (8 AM), “The Chronicles of Narnia: The Voyage of the Dawn Treader” (10 AM), “Remy” (4 PM), “The Bible” (5:30 PM), “Sori: Voice of the Heart” (9:30 PM), at “Easter Vigil Mass” (11 PM).

Samantala, Isang espesyal na programming line-up ang handog din ng GMA.

Ngayong Huwebes Santo, tampok ng Kapuso Network ang “The Church of Jesus Christ of Latter Day Saints April 2020 General Conference” sa ika-5 ng umaga.

Susundan naman ito ng mga animated movie na “Angry Birds Toons with Stella and Piggy Tales” (8:00am); “Lilo & Stitch” (9:00am); “Pocahontas” (10:30am); at “Aladdin” (12:00nn).

Mapapanood din ang South Korean romantic comedy film na “My Sassy Girl” simula 1:30pm at pagsapit ng 3:00pm ay ipapalabas naman ang “Jesus His Life: Joseph” na bibigyang boses ni Rocco Nacino.

Ang biographical religious drama na “Magdalena” ay mapapanood ng 3:30pm.

Handog din ang “Jesus His Life: John the Baptist” na bobosesan ni Benjamin Alves (5:00pm); CBN Asia offering na “Wanda’s Wonderful World” na pagbibidahan ni Ms. Coney Reyes (5:30pm); at “Jesus His Life: Mary” na bibigyang boses ni Max Collins (7:00pm).

Kaabang-abang din ang kwento ni Moses mula sa Bibliya na “The Ten Commandments” na siyang mapapanood sa ika-7:30 ng gabi at pagdating ng 11:00pm, hatid naman ang mga kwento ng mga pagsubok at tagumpay sa “Tunay na Buhay.”

Pagsapit ng Biyernes Santo, mapapanood pa rin ang “The Church of Jesus Christ of Latter Day Saints April 2020 General Conference” sa ika-5 ng umaga.

Handog din ng Kapuso Network ang natatanging programang may mataas na parangal na “Power to Unite” ni Ms. Elvira Yap-Go sa ika-8 ng umaga.

Tampok din ang mga pambatang pelikula na “Cloudy With a Chance of Meatballs” (9:00am); at “Joseph: King of Dreams” (10:30am).

Gabay sa pagninilay naman ang mapapanood sa “Siete Palabras” simula ika-12 ng tanghali. Susundan ito ng “Jesus His Life: Caiaphas” na bibigyang boses ni EA Guzman (3:00pm).

Mapapanood ang pelikulag pinagbibidahan ng Perkins twins, kasama ang ibang mga bigating aktor pati na ang Hollywood star na si Stephen Baldwin na pinamagatang “Kaibigan” (3:30pm); susundan ito ng “Jesus His Life: Judas” na bobosesan ni Martin del Rosario (5:00pm); “Suklob” ng CBN Asia tampok si Kristoffer Martin (5:30pm); “Jesus His Life: Pilate” na bibigyang boses ni Paolo Contis (7:00pm); at ang epic biblical drama film na “Son of God” (7:30pm).

Matutunghayan ang kwento ng Hudyong prinsipe noong panahon ni Kristo sa “Ben-Hur” pagpatak ng 10:00pm.

Pagsapit naman ng Sabado de Gloria, mapapanood ang huling bahagi ng “The Church of Jesus Christ of Latter Day Saints April 2020 General Conference” sa ika-5 ng umaga.

Kasunod nito ang animated na mga palabas gaya ng “Detective Conan” (8:00am); “Ratatouille” (9:00am); “The Princess and the Frog” (10:30am); at “Anastasia” (12:00nn).

Pag-ibig at inspirasyon naman ang handog ng “A Walk to Remember” tampok si Mandy Moore sa ika-1:30 ng hapon.

Pagsapit ng 3:00 ng hapon, abangan ang “Jesus His Life: Mary Magdalene” na bobosesan ni Sanya Lopez at matutunghayan ang kwento ng walang hanggang pagmamahal sa “Moments of Love” na pagbibidahan ni Dingdong Dantes sa ika-3:30 ng hapon.

Susundan ito ng “Jesus His Life: Peter” na bibigyang boses ni Ken Chan (5:00pm) at ang nakapananabik na classic romantic fantasy film na “Ghost” (5:30pm.)

Kaabang-abang naman ang di malilimutang pelikula nina Leonardo di Caprio at Kate Winslet na “Titanic” pagsapit ng ika-7:30 ng gabi at susundan ng dalawang dokumentaryo mula sa “I-Witness” pagdating ng ika-11 ng gabi.

Sa kabila ng hinaharap na hamon ng bansa dahil sa 2019 Coronavirus Disease (COVID-19), bigyang halaga ang pagninilay ngayong Semana Santa sa inyong mga tahanan at tunghayan ang mga espesyal na programa ngayong Lenten Season.

Tonite – Wendys Inhouse Ad