Abante Tonite
Mabilis sa Balita

Mga sakripisyo at gantimpala ng pagsunod kay Kristo

0 468

Patungkol sa mga sakripisyo at gantimpala ng pagiging alagad ni HesuKristo ang Ebanghelyo ngayong Linggo (Mt 10:37-42). Napakalinaw ng mga salita ng Panginoon tungkol sa pagsunod sa kanya: Hindi karapat-dapat maging disipulo ang sinumang may pagpapahalaga higit sa Kanya!

Sa madaling salita, hindi maiiwasang sangkap ng Christian Discipleship ang ‘renunciation’ o pagtalikod, pagtatakwil at pagtiwalag sa mga tao o bagay na maaring maging hadlang sa pagsunod kay Hesus. Higit sa lahat, dapat maging handa ang isang alagad isantabi ang lahat para sa Diyos!

Paliwanag ni Romano Guardini: “When it comes to a choice between domestic peace and Jesus, one must value Jesus higher, even higher that the most dearly beloved. Jesus warns us: if you hold life fast, sacrificing me for it, you lose your own true life. If you go for my sake, you will find yourself in the heart of immeasurable reality.”

Ganito rin ang opinyon ni Bishop Teodoro C. Bacani, Jr: “Jesus makes a hard demand on his disciples- You must prefer me even to the persons you love most, indeed your own self. I must be number one in your lives if you are going to be followers of mine!” Sadyang kaakibat ng pagiging disipulo ang pag-akap sa krus ni Kristo.

Narito ang malinaw na turo ng Panginoon: “Hindi karapat-dapat sa aking ang sinumang hindi magpasan ng kanyang krus at sumunod sa akin. Mawawalan ng kanyang sarili ang sinumang nagpapahalaga nito, at matatagpuan naman nito ng nawawalan ng kanyang sarili.”

Sadyang hindi magiging madali ang pagsunod kay Hesus gayunman, nangako ang Panginoon ng ‘di matutumbasang gantimpala sa mga magtataya ng buhay at sarili alang-alang sa Kanya. Maririnig sa totoong alagad ang tinig ng Guro at makikita ang mukha ng Ama sa kanila, ani Hesus.

Samakatuwid, si Hesus ang tumatayong sentro ng buhay ng isang alagad. Hindi na ang sariling pagnanais, kaginhawahan at karangalan ang mananaig sa kanyang puso kundi ang Panginoon at Banal na Kalooban. Nasaan na ba tayo sa pagiging alagad ni Hesus? Nawa taglayin natin ang mga katangian ng isang mabuting dispulo.

Leave A Reply

Your email address will not be published.