Abante Tonite Interactive

Morado lumikom ng halos P.5M para sa mga frontliner

397

Umabot sa P462,333.19 ang nakalap na donasyon ng “Everything Little Thing Counts” (ELTC) na initiative ni Premier Volleyball League(PVL) star Julia Melissa ‘Jia’ Morado na iutulong para sa mga frontliner ng coronavirus disease 2019 (COVID-19).

Sa diskarte ng Creamline Cool Smashers setter, nakapamahagi na ang ELTC ng 2,000 surgical gloves at 1,500 KN95 masks sa Philippine General Hospital (PGH) at Jose R. Reyes Memorial Hospital (JRRMH) habang nasa production pa ang 500 personal protective equipment para sa mga medical health worker.

Tweet kahapon ni Morado, “We‘ve shipped the masks and gloves we purchased for PGH and JRMMH. PPE suits are also in production.

More updates in the coming days re: bidding, additional partner hospitals, and a more detailed breakdown of our expenses.”

Nananawagan ang 24-year-old, 5-foot-7 volleybelle sa mga nais pang tumulong. Bisitahin lang ang facebook.com/ForOurFrontlinersPH. (Janiel Abby Toralba)

Tonite – Wendys Inhouse Ad