Abante Tonite Interactive

Nadal vs. Kyrgios sa China Open final

8

Naihulma nina Rafael Nadal at Nick Kyrgios ang duelo sa finale ng China Open.

Sinipa ni top-seeded Nada­l si third seed Grigor Dimitrov 6-3, 4-6, 6-1 sa semis, minadali naman ni Kyrgios si no. 2-seed Alexander Zverev 6-3, 7-5 sa isa pang pairing.

Sa head-to-head ay 2-2 sina Nadal at Kyrgios, pero tinalo ng Australian si Spa­niard Nadal nang huling magkita sa Cincinnati quarterfinals noong August, sa straight sets pa.

Huling ibinulsa ni Nadal ang China Open title noon pang 2005.

Sa women’s, showdown naman sa titulo sina Simon­a Halep at Caroline Garcia.

Pinag-impake ni Hale psi French Open champio­n Jelen­a Ostapenko 6-2, 6-4 para selyuhan ang No. 1 ranking sa WTA. Siya ang kauna-unahang Romanian player na uupo sa No. 1.

Kinalos ni Garcia si Petr­a Kvitova 6-3, 7-5 sa kabilang pairing.