Abante Tonite
Mabilis sa Balita

NBI pasok sa imbestigasyon ng Sulu encounter

0 389

Magsasagawa ng sariling imbestigasyon ang National Bureau of Investigation (NBI) sa naganap na umanong engkuwentro sa pagitan ng ilang pulis at sundalo sa Sulu na nagresulta sa pagkamatay ng apat na military intelligence officer.

“The PNP and AFP officials in Sulu have agreed that the National Bureau of Investigation (NBI) regional office in Zamboanga City will conduct and lead the investigation to ensure impartiality and to eliminate any suspicion of undue influence,” ayon sa pahayag ng PNP.

Kaugnay nito’y inilabas na ng PNP ang pangalan ng mga pulis na sangkot sa naganap na misencounter na ikinamatay ng apat na sundalo na kinabibilangan ng dalawang opisyal sa Sitio Marina, Barangay Walled City, Jolo, Sulu Lunes ng hapon.

Kinilala ang mga pulis na sina Police Sr. Master Sgt. Abdelzhimar H Padjiri, PMSg Hanie U Baddiri; PSSg Iskandar I Susulan; PSSg Ernisar P Sappal; PCpl Sulki M Andaki; Pat Moh. Nur E Pasani, pawang nakatalaga sa Jolo Municipal Police Station (MPS), PSSg Almudzrin M Hadjaruddin; Pat Alkajal J Mandangan at Pat Rajiv G Putalan, nakatalaga naman sa Philippine Drug Enforcement Unit (PDEU).

Napatay ng nasabing mga pulis ang mga sundalong sina Army Major Marvin Indammog, PMA Mandala Class 2006; Captain Irwin Managuelod, PMA Class 2009; Sgt. Eric Velasco at Corporal Abdal Asula dakong alas-2:40 ng hapon sa Jolo Central Fire Station sa Barangay Walled City, Jolo, Sulu. (Edwin Balasa/Juliet de Loza-Cudia/Riz Dominguez)

Leave A Reply

Your email address will not be published.