Abante Tonite Interactive

Opisyal ng OCA bilib sa ‘Pinas hosting

418

Humanga sa galing ng Pilipinas sa pag-host sa 30th Southeast Asian (SEA) Games si Olympic Council of Asia (OCA) vice president Wei Jizhong.

Nagbigay ng papuri ang opisyal sa Pilipinas sa maayos na pag-organisa ng 30th SEA Games.

Ayon kay Wei, naniniwala siya na kayang-kaya ng Pilipinas na magsagawa pa ng mas mala­king sporting event matapos makita ng personal ang maayos at sistematikong pag-organisa ng SEA Games.

Dagdag pa ni Wei sa press conference nitong Lunes, ang slogan na ‘We Win as One’, hanggang sa fan engagement at sa matapat na pag-amin sa responsi­bilidad ni Pangulong Rod­rigo Duterte sa naunang aberya ay mahalagang bagay upang ma­ging maayos ang pag-organisa sa SEA Games.

“The gold medal is not the only target of the Games and the most important thing is the friendship and we are working for a better future afterwards,” ani Wei.

Sinabi pa ni Wei na ito ang unang pagkaka­taon na makakita siya ng isang leader na humingi ng paumanhin sa tao sa mga aberya ng naranasan ng mga delegadong atleta mula sa ibang bansa.

Matatandaang humi­ngi ng dispensa si Duterte pati na rin si House Speaker Alan Peter Cayetano, pinuno ng organizing committee, sa pagkakamali na naganap at nangako na aa­yusin ito.