Abante Tonite Interactive

Padua, De Mesa, Responders ipoposas ang UNTV Cup title

968

Maghaharap para sa kampeonato ang Phi­lippine National Police (PNP) Responders at Ombudsman Graftbusters sa 2nd UNTV Cup Executive Face-Off matapos nilang pataubin ang kani-kanilang kalaban sa semifinals nitong weekend sa Pasig City Sports Center.

Sinandalan ng Res­ponders ang kanilang dynamic duo na sina Anthony Padua at Joey de Mesa para tapusin ang Senate Sentinels 78-61, habang ang Graftbusters naman ay inalpasan ang Judiciary Magis sa overtime 76-73.

Nakatakda ngayong Hulyo 30 ang winner-take-all match na gaganapin sa Araneta Coliseum at makakatanggap ng isang milyong piso ang charity ng mananalong koponan, habang P500,000 naman sa charity ng matatalo.

Abante Hiring – IT dep

Nagtala ng 21 na puntos si Padua at sumahog ng 14 si De Mesa para sa Responders.

Balik-aksyon para sa Senate Sentinels si Senador Joel Villanueva matapos ang pahinga ay hindi pa rin ito sapat para tapatan ang nag-iinit na Responders.

Rumehistro ng 16 puntos si Villanueva matapos ang laban.

Naalpasan naman ng Graftbusters magandang ginawa ng Magis para makapagpwersa ng extra five minutes.