Pagasa: Amihan humina, tag-init malapit na

Pahina na ang hanging amihan na nagdadala ng malamig na panahon kaya magsisimula na umanong mararamdaman ang mainit na panahon ayon sa Philippine Atmospheric Geophysical and Astronomical Services Administration (Pagasa).

Idedeklara umano ang pagsisimula ng tag-init kapag tuluyan nang mawala ang amihan.

Una nang sinabi ng Pagasa na wala o hanggang sa isang bagyo ang maaaring asahan sa Pebrero. Asahan naman ang magandang panahon ngayong long weekend. (Tina Mendoza)