Abante Tonite
Mabilis sa Balita

Papa Buboy: Loding frontliner

0 393

May dalawang taon na ring hindi napakikinggan sa ere si Justin Candado II o mas kilala sa tawag na ‘Papa Buboy’ ng Barangay LSFM. December 2017 nang nag-resign si Justin bilang radio DJ. Totally different field ang tinahak niyang landas, ang medical profession.

Habang nagwo-work bilang DJ, pinagsabay pala noon ni Justin ang pagkuha ng Nursing degree. Ibig sabihin, working student siya. Nang tanungin kung bakit kailangan pang kumuha ng ibang course, gusto raw niyang mag-aral pa.

Pero sa totoo lang, trip-trip lang daw niya ang kursong Nursing. Nasa Australia kasi ang kanyang pamilya at in demand doon ang medical course. Isa na rin ito sa nagtulak para kumuha siya nang Nursing degree kahit pa tapos na ng kursong Journalism.

Agad nakapasa sa board exam si Justin. Isa na siyang registered nurse. Napamahal daw sa kanya ang pagiging isang nurse. Para kay Justin, hindi lang ito isang profession kundi isang calling lalo na ngayong lumalaban ang buong mundo sa COVID-19 pandemic.

Kuwento ni Justin sa FB program na ‘Tandem nina Julius at Cecille’ nitong Sabado, sa COVID ICU ng St. Luke’s Medical Center sa BGC siya naka-assign. Literal na may close contact sa mga COVID-19 patient. Take note, grabe at seryoso ang kundisyon ng mga pasyente nila.

SM SuperKidsDay Banner Ad

Sa una at eksklusibong panayam, inamin ni Justin na maging siya’y hindi rin nakaligtas sa COVID-19. Regular daw silang isinasailalim sa swab test ng ospital. Nitong mid-May nang magpositibo siya sa naturang virus. Laking pasasalamat niya dahil hindi siya pinabayaan ng pamunuan ng ospital. Good thing din daw na wala siyang nahawaan na tao. Negatibo sa swab test ang mga taong nakasalamuha niya.

Pero aminado si Justin na iba ang pakiramdam nang magpositibo siya sa COVID-19. Kuwento niya, “Iba pala ‘pag ikaw mismo ang tinamaan, ikaw mismo ang nila-laboratory. If before we are wearing PPEs for the patients. Now they are wearing PPEs for me.”

Aymptomatic daw siya. Matapos ang halos dalawang linggong pananatili sa ospital, nag-negatibo na siya sa mga sumunod na swab tests. Kaya laking pasasalamat ni Justin.

Payo ni Justin sa bawat isa, sundin ang panawagan ng gobyerno na magsuot ng face mask. Ugaliin din ang isa hanggang dalawang metrong social distancing. Laging maghugas ng mga kamay. Sundin ang iba pang health protocols.

Nakaka-proud ang gaya ni Justin. Pikit-mata siyang tumalon sa ibang field. Niyakap niya nang buong-buo ang mga pagbabago sa kanyang buhay. Ang mahalaga, masaya siya sa larangang ginagalawan niya ngayon. Papa Buboy, isa kang loding frontliner!

Leave A Reply

Your email address will not be published.