Parreno, Rivera pinadapa ang NHA
Sa angas nina Paul Parreno at Ed Rivera, tinuloy ng Department of Environment and Natural Resources ang ragasa, sinagasaan ang National Housing Authority, 87-84 upang mawalis ang 8th UNTV Cup 2019 Group B eliminations nitong Miyerkoles, Nobyembre 6 sa Pasig City Sports Center.
Sinapawan ni Parreno ang limang kakuwadra sa DENR Warriors na mga naglista ng twin digits tapos ng buzzer-beater trey upang makawala sa 77-all para akbayan ang Warriors sa ika-5 sunod na panalo nila sa ligang para sa mga naglilingkod sa bayan.
Pasiklab naman ng 17 puntos si Ed Rivera para pangunahan ang produksyon ng DENR habang nagtambag ng tig-15 sina Melvin Bangal at Arcgie Gamboa at pinagsamahang 21 markers sina Des Ayson (11) at Ryan Abanes (10).
Binoga ng Philippine National Police (1-3) ang Government Service Insurance System (0-5), 94-63, sa isa pang sagupaan sa nabanggit na grupo; at winasiwas ng Department of Agriculture ang Social Security System (0-5), 99-79 sa Group A sa ligang may pa-premyong P4M at binabalangkas ng UNTV sa pangunguna ng kanilang pnagulo at CEO na si Dr. Daniel Razon.
First Game
DENR 87 – Rivera 17, Bangal 15, Gamboa 15, Ayson 11, Abanes 10, Parreno 9, Lansang 8, Atablanco 2.
NHA 84 – Lustestica 27, Vitug 22, Mercado 16, J. Dizon 5, Prado 5, Alastoy 4, Tibay 3, Sumayang 2.
Quarters: 15-20, 38-34, 59-54, 87-84.
(Aivan Episcope)
