PFL sisipa sa October 24

Inaasahang papadyak na sa darating na Oktubre 24 ang 4th Philippines Football League (PFL) 2020 ng Qatar Airways sa Philippine Football Federation (PFF) National Training Center sa Carmona, Cavite sa oras na mabigyan ng go signal ng Inter-Agency Task Force (IATF).

Nakipagpulong si PFL Commissioner Mikhail ‘Coco’ Torre sa club teams para talakayin ang league competition at bubble setup. Napagkasunduan ang single round-robin format kasunod ng Finals Series ng top four teams.
Para maiwasan ang COVID-19, nag-set up ang liga ng bubble sa Seda Nuvali sa Sta. Rosa, Laguna para sa kasagsagan ng torneo. (Janiel Abby Toralba)