Abante Tonite Interactive

Ping kay Alan: ‘Wag maglaway sa pork

0 1,392

Pinaalalahan ni Senador Panfilo ‘Ping’ Lacson si Taguig-Pateros Congressman Alan Peter Cayetano na magdahan-dahan sa pagsingit ng pork barrel ngayong malapit na ang pagbubukas ng 18th Congress.

“Hindi naman puwedeng porke’t dating senador magiging Speaker, e larga na rin kami kung may insertions na papa­yagan,” pahayag ni Lacson sa panayam ng mga reporter kahapon.

Binigyang-diin ni Lacson ang pagkaantala ng pagpasa ng national budget ngayong taon ay dahil sa diumano’y pagsingit ng pork barrel ng Kamara kahit naratipikahan na ito.

Abante Hiring – IT dep

“Ang sa akin, ang bottom line huwag nila mas­yadong damihan ang pork barrel nila. Or huwag naman masyadong sobra kasi ma-o-obvious,” ani Lacson.
Nauna rito, inindorso ni Pangulong Rodrigo Duterte si Cayetano bilang susunod na House Spea­ker subalit makikihati sa termino si Marinduque Rep. Lord Allan Velasco.

Ganunpaman, sinabi ni Lacson na hindi magiging madali ang pagpasa ng susunod na natio­nal budget kahit na si Cayetano pa ang susunod na House Speaker.

“Let’s see. Kasi maski Speaker siya (Caye­tano), isa lang naman siyang congressman. E papaano kung ang iba hindi maawat at mag-insert din,” ani Lacson.

“Remember nang namimili sila ng Speaker may narinig tayo may P200M per congressman. P200M per congressman, if you are coun­ting 300 congressmen or you do your math magkano na ‘yan sa pork pa lang? Napakalaki,” dagdag pa nito. (Dindo ­Matining)