Abante Tonite Interactive

Preso tigbak sa lagnat

0 232

Namatay matapos na lagnatin ang isang preso sa loob ng kulungan sa Quezon City Police District (QCPD) Talipapa Police Station 3, nitong Miyerkoles.

Kinilala ni Talipapa Police personnel under P/Lt. Col. Alex Alberto ang inmate na si Romeo Borja, 43, binata, ng 38 Pipit St., Brgy. Talipapa, QC.
Sa ulat ng Quezon City Police District Criminal Investigation and Detection Unit (QCPD-CIDU), naganap ang insidente sa loob ng male detention cell sa QC Talipapa Police station 3 sa No. 505 Quirino Highway, Brgy. Talipapa, Novaliches, QC, dakong ala-1:45 nang madaling-araw.

Sa report, habang nakabantay umano ang mga duty jailer na sina P/Cpl. Dennis Tokpil at P/Cpl. Jessie Ruales ay itinimbre ng mga kakosa ni Borja ang hindi na nito paggalaw.

Agad namang sinugod ang biktima sa Quezon City General Hospital subalit dineklara itong dead-on-arrival.

Si Borja ay nakulong sa Talipapa police station 3 noong Oktubre 2018 dahil sa kasong theft. (Dolly Cabreza)