Pulis, inmate utas sa ambush

Inatake ng umano’y mga miyembro ng New People’s Army (NPA) ang ang patrol car sa Marabut, Samar Huwebes ng hapon na nagresulta sa pagkamatay ng isang pulis at detainee.

Sa inisyal na ulat, kinilala ang biktima na si Cpl. Earl Hembra at detainee na si Nestor Lumagpas Jr.

Ayon kay Marabut town police chief, Lt. Fernando Calabria Jr., pabalik na sa police station ang mga biktima mula sa korte sa bayan ng Basey nang atakihin ng mga armadong lalaki sa Brgy. Logero, alas-12:56 ng hapon.

Hindi na nagbigay ng iba pang detalye si Calabria dahil patuloy pa ang imbestigasyon. (PNA)