Abante Tonite
Mabilis sa Balita

Pulis tinodas ng kabaro sa headquarters

0 595

Patay ang isang pulis matapos itong barilin ng kapwa niya pulis sa loob ng istasyon sa bayan ng Titay, Zamboanga Sibugay, Sabado ng gabi.

Dineklarang dead on arrival sa Zamboanga City Hospital dahil sa mga tama ng bala sa iba’t ibang bahagi ng katawan ang biktimang nakilalang si P/Cpl. Jorge Dick Baltazar, 30.

Kusang loob namang sumuko ang suspek na si Patrolman Laurence Joseph Ancheta, 38, at service firearm nitong 9 mm na baril na ginamit na pamamaril.

SM SuperKidsDay Banner Ad

Sa inisyal na imbestigasyon, naganap ang insidente alas-nuebe ng gabi. Pumasok sa loob ng Titay Municipal Police Station ang nakasibilyang biktima at nakasuot ng hoodie jacket kung saan si Patrolman Ancheta ang naka-assaign na duty guard ng presinto.

Hindi umano namukhaan ni Ancheta si Baltazar dahil sa suot kaya binigkas niya ang ‘Minuto’ security password ng mga pulis sa nabatid na presinto subalit hindi umano umimik ang biktima at bagkus ay nagbiro pa umano ito na bubunutin ang kanyang baril.

Dahil dito ay agad na binunot ni Ancheta ang kanyang baril at ilang ulit pinaputukan si Baltazar na tinamaan sa balikat at sikmura. (Edwin Balasa)

Leave A Reply

Your email address will not be published.