Abante Tonite
Mabilis sa Balita

Pumaslang sa FEU footballer timbog, 23 iba pa nakilala

0 108

Arestado ang isang 22-anyos na babae na isa umano sa mga suspek sa pamamaslang kay FEU football player Kieth Absalon at pinsang si Nolven noong Hunyo 6 sa Barangay Anas, Masbate City.

Kinilala ni PRO-5 Regional Director Brig. Gen Jonnel Estomo ang suspek na si Mariel Cańete Suson, na nadakip ng pulisya kamakalawa, at sinampahan ng mga kasong double murder at dalawang frustrated murder kasama ang 23 pang suspek sa insidente.

Si Suson, nag-a-apply pa lang na maging regular na guro sa Kabungahan Elementary School sa Cawayan Masbate, ay anak umano ni Rogelio Suson alyas ‘Manong Julio’ na may mataas umanong katungkulan bilang secretary ng KLG, KP4, at BRPC sa Masbate.

SM food to go Banner Ad

Tinukoy ang 23 pang sinasabing responsable sa pamamaslang sa magpinsang Absalon na patuloy pa ring pinaghahanap ng pulisya na sina Eddie Rosero alyas ‘Ka Star’; Lara Lagac alyas ‘Ka Ivan’ at ‘Kian’; Sonny Diamos; Eddie Eser alyas ‘Ka Nono’; Mario Esparaguerra alyas ‘Ka Mayong’;

Capitalio Mallo alyas ‘Ka M.I.’; Diolito Medina alyas ‘Ka Michael’ at ‘Uno’; Arlene Rance; Lloyd Escorel; Ronel Rodio alyas ‘Ka Moting’; Jomar Tugbo alyas ‘Ka Alden’; Jemuel Dublin; Allan Goyala; Dolores Bilibit alyas ‘Ka Oyeng’; Jhun Bilibit alyas ‘Ka Paka’; Lenie Cabarles alyas ‘Ka Onang’; Richard Laurio alyas ‘Ka Nonem’; Rolly Hermina; Jesmar Jesmar alyas ‘Ka Jesmar’; Marla Canete Suson; Maila Canete Suson; Gilbert Turing, at Allan Uling. (Edwin Balasa)

Leave A Reply

Your email address will not be published.