Region 7 malinis sa UK variant – DOH

Wala pang kumpirmadong kaso ng pasyenteng nahawa sa UK variant ng COVID-19 sa Central Visayas.

Paniniyak ito ng Department of Health Region 7 (DOH-7) matapos madagdagan ng 19 ang bilang ng mga dinapuan ng UK coronavirus variant sa Pilipinas.

“It’s still possible we have the UK variant but [this is] not yet confirmed,” ani DOH-7 spokesperson Dr. Mary Jean Loreche sa mga reporter.

Wika ni Loreche, 60 sa 70 swab samples na pinadala nila sa genomic sequencing noong Enero ay negatibo sa B.1.1.7 variant.