Abante Tonite Interactive

Rice Vanguards inararo ni Alday

0 114

Tambalan sina Alwyn Alday at ­ex-pro Ronjay Buenafe sa paggapas ng Bicol Volcanoes LCC Stores sa Nueva Ecija Rice Vanguards, 70-58, Huwebes nang gabi sa unang laro ng 3rd MPBL Lakan Cup 2019 elims sa Valenzuela Astrodome.

Nagsaing si Alday ng 13 points, tig-4 rebounds at steals at 1 assist upang para sa third straight win ng Volcanoes tungo sa 11-11 record at makakapit sa Group B South Division.

May sukli kay Alday na 11 markers, 2 boards at tig-1 feed at steal si Buenafe para lagutin ang kambal na ragasa ng Novo Ecijanos na sumalampak sa 5-14 at matengga sa Group A North Division 14th spot.

“Para sa akin naman ‘we’ not ‘me’,” pahayag ni Alday bilang ­pag-acknowledge sa teamwork ng kanyang koponan. “‘Di lang ako, hati-hati kami. Tulong-tulong kami. Magaganda ‘yung nilaro ng buong team, kaya ‘di lang sa akin. Lahat kami talaga nag-contribute.”

Bigong inako naman ni John Paul Sarao ang NE sa likod ng 14 pts. at 6 rebs.
Ang iskor:

Bicol 70 – Alday 13, Buenafe 11, Lao 9, Alfonso 9, Aldave 9, Garcia 6, Lalata 4, Ongteco 4, Olea 3, Mondragon 2, Manalang 0, Gusi 0.

Nueva Ecija 58 – Sarao 14, Aquino 13, Gonzaga 7, Monte 6, J. Reyes 4, ­Celada 4, G. Reyes 4, Garcia 2, A. ­Tolentino 2, V. Tolentino 2, Acibar 0, ­Martinez 0, Dela Cruz 0. (Aivan Episcope)