Sandangon bagong bala ng FEU Tams
Dahil baklas na ang basketball program ng Technological Institute of the Philippines (TIP) sanhi ng Corona Virus Disease 2019 (COVID-19), sinamantala ng FEU Tamaraws na piratahin ang isa nitong star player bilang paghahanda sa UAAP Season 83 men’s basketball tournament 2021-22.
Mula TIP Engineers ni-recruit ng Morayta-based squad si 6-foot-4 forward Ximone Sandangon, isang beterano na rin ng PBA D-League.
“Ximone has already committed to FEU. He will sit out one year and will have three years of eligibility,” pahayag kamakalawa ni FEU Tams coach Rodericko Cesar ‘Olsen’ Racela. (Aivan Denzel Episcope)