Abante Tonite
Mabilis sa Balita

Soriano, 3 iba pa tumanggap ng bisikleta

0 339

Ipinagpalasamat ng apat na national athlete ang binigay na bisikleta ng Philippine Olympic Committee (POC) na makakatulong anila sa bahagi ng training at pagsunod sa bagong direksiyon ng pamumuhay sa harap ng coronavirus pandemic.

Kabilang sa apat na grinasyhan ng POC-Olympic.PH Free Bike program si 2019 PH Southeast Asian Games karate bronze medalist Mae Soriano.

SM SuperKidsDay Banner Ad

“Hindi ko po talaga ini-expect na isa ako sa mabibigyan kaya napa-thank God ako ng tinext ako. Sa ngayon po dahil hind pa kami pinapabalik sa training venue. Kaya online training lang muna kami, pero magagamit ko siya sa paglabas para bumili ng mga essential stuff,” sambit ng karateka kahapon.

Labis din ang kasiyahan ni 2019 SEA Games kurash silver winner Bianca Estrella na aniya’y magagamit niya sa pagpunta sa training mula, trabaho, palengke, grocery at sa negosyo ng pamilya niya na delivery.

Kabilang pa sa nakakuha ng bisikleta sina 2019 SEAG wrestling silver medalist Jhonny Morfe at fencing bronze winner Noelito Jose Jr. (Lito Oredo)

Leave A Reply

Your email address will not be published.