Abante Tonite Interactive

Sylvia ipinagtanggol ang pagmamaldita ni Sue

6,567

Natutuwa  si  Sylvia Sanchez na tinatanggap ng mga fans ang love team ng anak niyang si Arjo  Atayde at Sue Ramirez para sa panghapong programa ng ABS-CBN 2 na  “Hanggang Saan. ” Parami nang parami ngayon ang Team ArSue.

“Si Ate Ces Quesada ang President, ako ang Vice President,” pagbibiro niya sabay tawa.

Ano naman ang reaksyon niya na nag-dirty finger diumano  si Sue sa isang matanda?

“Hindi ko kasi nakita kung  ano talaga nangyari kaya hindi ako  makapag-comment,” pakli ng ambassador ng Beautederm ni Ms. Rhea Tan .

“ Si Sue kasi  prangka .Sa akin respectful naman ‘yung bata. Mabait na bata si Sue,” bulalas pa ni Sylvia.

“Ang importante naman ay nag-sorry na yata siya,” dagdag pa ni Sylvia.

Anyway, masaya rin  ang aktres na almost 3 months na rin silang magkatrabaho ni Arjo.

“Kasi pag nagti-taping ako palagi hindi ko nakakasama ang mga anak ko. This time, meron akong kasama na anak ko. Nami-miss ko man ‘yung iba kong anak, meron akong isang anak na nasa set so , ano, di ba lumuluwag din ‘yung pakiramdam ko,” lahad pa niya.

Kumusta na si Arjo bilang actor?

“Marunong na si Arjo,” mabilis niyang  sagot.

Pinapakawalan na raw niya ito pag nagkaka-eksena sila.

Sinabi pa ng aktres na madaming twists na mangyayari  sa “Hanggang Saan” na  hindi inaasahan ng mga televiewers kaya tutukan daw ito.