Mag-ingat kung may bakal

Kada karamdaman, may kaakibat na solusyon, magingkonserbatibo o agresibo. Hindi lahat kinakailangan mauwi sa operasyon. Hindi din naman lahat nakukuha sa gamot lamang. Kaya paulit ulit nating pinapayo na kung may kakaibang maramdaman na hindi nawawala sa kaunting pagpapahinga, ay agad agarang ipatingin at ipakonsulta sa isang doktor sa lalong madaling panahon. Kung ang karamdaman ay makukuha sagamutan, mabuti naman at ito ay ang pinaka simpleng magagawa. Ngunit kung matindi talaga ang karamdaman, at walang ibang alternatibo, maaaring ang natatanging solusyon ay operasyon o surgery. Mga halimbawa nito ay ang apendisitis at ang mga problema sa bituka. Ganoon din kung buto ang natamaan.