TEAM STANDING
GROUP A W L
NLEX 3 0
Converge 2 0
San Miguel 1 0
Terrafirma 1 2
Macau 0 2
Titan Ultra 0 3
TNT 0 0
GROUP B W L
Phoenix 2 0
Blackwater 1 0
Magnolia 0 1
Rain or Shine 0 1
Meralco 0 1
Ginebra 0 0
Mga laro sa Biyernes
(Ninoy Aquino Stadium)
5:15 pm – Macau vs Converge
7:30 pm – Blackwater vs Magnolia
Napakawalan ng Phoenix ang 15-point lead at naghabol bago iginapang ng clutch free throws ni Ken Tuffin sa endgame para bawiin ang ga-buhok na 98-97 panalo laban sa Meralco sa PBA 50 Governors Cup elims sa Smart Araneta Coliseum nitong Miyerkoles ng gabi, July 15.
“We just keep talking about being locked in, getting stops, kept reminding them,” ani coach Charles Tiu. “This is almost lucky break we caught Meralco without an import, we didn’t want that slip away.”
Sa 1:04 mark ng fourth, split si Tuffin para idikit 97-95. Blinangka mula sa likod ni JL Delos Santos si Bolts guard Chris Newsome, isa lang din ang naipasok ni BJ Johnson sa foul shots para ilapit sa isa.
Muling binutata ni Delos Santos si New-New na umatake sa basket, binigyan ng foul ni Newsome si Tuffin. Pasok na ang dalawang charity ni Tuffin, binawi ng Fuel Masters ang unahan 98-97.
Inubos muna ni CJ Cansino ang nalalabing 13 seconds sa orasan bago umatake pero bumanda lang sa backboard ang bola bago dinamba ni Jason Perkins ang rebound.
Nagsumite si Johnson ng 26 points tampok ang 4 for 7 shooting sa 3s, binak-apan ng 20 ni Ricci Rivero at tumapos si Tuffin ng 17 points, 6 rebounds, 5 assists para itulak ang Phoenix sa 2-0 card sa Group B.
May 13 markers din si Perkins, namigay ng 8 assists si Tyler Tio.
All-Filipino ang Bolts sa unang salang sa torneo, sumandal sa 18 points ni Cansino, 16 ni Allein Maliksi at 14 points, 15 rebounds ni Brandon Bates. May 13 markers si Cliff Hodge.
Kinubra ng Phoenix ang first 6 points ng second quarter para umagwat 37-22 pero bumalikwas ang Meralco para ariin ang period 34-19 at agawin ang lead 56-50 sa break ng larong tinapukan ng 10 deadlocks at 16 lead changes.
Iskor
Phoenix 98 – Johnson 26, Rivero 20, Tuffin 17, Perkins 13, Ballungay 6, Chua 6, Gozum 4, Tio 3, Santos 3, Delos Santos 0, Reavis 0.
Meralco 97 – Cansino 18, Maliksi 16, Bates 14, Hodge 13, Almazan 10, Brickman 6, Newsome 6, Banchero 4, Black 4, Quinto 2, Magbuhos 2, Mocon 2, Rios 0.
Quarters: 31-22, 50-56, 73-75, 98-97. (Vladi Eduarte)
