Tebow isinuko na ang baseball
Nagretiro na sa professional baseball si New York Mets minor league outfielder Tim Tebow, inanunsyo niya nitong Miyerkoles (Manila time).
Gulantang ang Philippine Amateur Baseball Association (Paba) sa hakbang ng 33-year-old, 6-foot-3 Makati-born Fil-Am, na kinukunsidera siyang isama sa PH nines sa World Baseball Classic Qualifiers.
Taong 2010-12 nang mag-quarterback sa National Football League si Tebow bago lumipat sa Mets noong 2016. (Janiel Abby Toralba)
