Dahil sa pagkamatay ng lalaking dinampot ng Quezon City police habang nakatambay lang sa tapat ng kanilang bahay, itinulak ng isang mambabatas ang malalimang imbestigasyon ng Kamara sa anti-tambay campaign ng Philippine National Police (PNP).
Hindi katanggap-tanggap, ayon kay Bayan Muna Rep. Carlos Isagani Zarate ang pagbubuwis ng buhay nang dinampot na tambay na si Genesis Argoncillo alyas ‘Tisoy.’
Sinasabing si Argoncillo ay dinakma ng mga pulis na miyembro ng Quezon City Police District (QCPD)-Station 4 sa Novaliches, Quezon City noong nakaraang Biyernes, Hunyo 15 at nadiskubreng wala ng buhay sa loob ng piitan pagsapit ng Lunes, Hunyo 18.
“This is really condemnable considering that Tisoy was just supposedly sitting near his house when he was arrested by the police. There is no reason to arrest him in the first place even if they use the Civil Code for public nuisance,” pahayag ni Zarate.
Bunsod nito, nananawagan si Zarate na imbestigahan ng Kamara ang ‘anti-tambay’ campaign ng PNP
“This is a patently anti-poor measure that targets those without jobs but the government can hardly be said to be doing enough to
generate jobs or lower the prices of commodities. We are calling for a congressional investigation on what happened to Tisoy and on this supposed anti-tambay campaign,” giit ni Zarate.