Abante Tonite Interactive

Tolenada, Motolite didila sa Creamline

0 229

Mga laro Miyerkoles/Agosto 14:
(FilOil Flying V Centre)
2:00pm — BaliPure vs Choco Mucho
4:00pm — Creamline vs Motolite
6:00pm — BanKo Perlas vs Pacific Town Army

Ibang angas ang ihahatid ng Motolite laban sa defending champion Creamline sa Day 2 ngayong Miyerkoles ng 3rd Premier Volleyball League Open Confe­rence eliminations sa FilOil Flying V Centre, San Juan.

Alas-4:00 ng hapon magpapakita ng gilas sina hitter Myla Pablo, Isa Molde at Tots Carlos kasama rin ang bagong dumagdag sa koponan na si Fil-Am setter Iris Tolenada upang malantakan ang Cool Smashers.

“I’m excited about this team, we have a lot of potential, both the pla­yers and the coaches, so I’m excited to see where this team can go in the future,” dada ni Tolenada.

“Honestly, I hope that we get top three or four, but the main goal is just for everyone to get better, and coming from the bottom of the conference, the team is a little bit older now, and that’s going to help us a lot, but yeah, Top 4 would be awesome.”

Galing sa panalo ang Creamline, winalis ang Philippine Air Force sa opening day ng liga nitong Linggo, 25-23, 25-20, 25-15.

Namuno para sa Cool Smashers­ si opposite spiker Michele Gumabao na may 14 points, Alyssa Valdez na naka-13 markers,­ at middle hitter Risa Sato na may 11 markers. (Janiel Abby Toralba)