Abante Tonite Interactive

Traslacion 2018

By
1,811

Taon-taon ipinagdiriwang ang Kapistahan ng Poong Itim na Nazareno, ang pinakamahaba at pinakamalaking pagdiriwang na nangyayari sa Lungsod ng Maynila na nagsisimula tuwing Disyembre 31 at nagtatapos ng Enero 9 sa isang Translacion.

Sa panahon ng pagdiriwang, umaabot sa 18 milyong Katoliko ang nakikiisa sa pagdiriwang simula sa mga prusisyon, Pahalik at Traslacion.

Pinaniniwalaan ng mga Katoliko ang ‘milagro’ ng Itim na Nazareno na itinuturing nagbibigay ng mga himala at kagalingan ng mga may sakit.

Kaya dagsa ang mga deboto at namamanata tuwing sasapit ang Kapistahan ng Itim na Nazareno.

Sa panig ng Manila Police District (MPD) maituturing na bangungot ang paglalatag ng seguridad partikular na sa araw ng Traslacion.

Pinagmulan ng Itim na Nazareno

Dumating sa Maynila ang rebulto ng Itim na Nazareno noong Mayo 31, 1606 galing sa  Acapulco, Mexico.

Ang Itim na Nazareno ay kilala ng mga deboto sa Español bilang Nuestro Padre Jesús Nazareno, sa mga Filipino, Mahal na Itim na Nazareno; sa English, tinatawag itong Our Father Jesus [the] Nazarene.

Nabatid na ang rebulto ng Itim na Nazareno ay ginawa ng isang hindi nakilalang Mexican, at ang orihinal na kulay nito ay kayumanggi at naging kulay itim matapos na masunog ang galleon ship na nagdala nito mula sa Aculpo, Mexico.

Sa record ng simbahan, dalawang identical image­s ng Itim na Nazareno ang dinala sa Maynila. Ang una ay itinago sa San Nicolas de Tolentino church sa Bagumbayan at kalaunan ay inilipat sa Intramuros nang buwagin ang matandang istruktura.

Ang naturang Itim na Nazareno ay kasamang nabomba at nasira noong 1945 Battle of Manila.

Habang ang isang rebulto ay ibinigay ng Recollect Priests sa  Quiapo church, at palaging napapagkamalan ng marami na ito ang unang estatuwa na nasira noong panahon ng giyera.

Noong unang panahon, naging tradisyon na tanging ang mga lalaki lamang ang pinapayagan humawak sa lubid at magtulak sa ‘Andas’ pero makalipas ang ilang taon pinayagan na rin ang mga kababaihang deboto na makilahok sa Traslacion.

Ang tawag sa humihiling ng lubid  ay ‘namamasan’ 

Pinaniniwalaan na ang mga taong nakakahipo sa Itim na Nazareno ay gumagaling sa kanilang mga sakit, kaya ganito na lamang kapursigido ang mga Katoliko na mahawakan at mapunasan ang rebulto ng mga inihahagis na bimpo at panyo na ipinupunas naman sa kanilang katawan.

Sa sobrang dami ng deboto na sumasama sa Traslacion, ilan na rin ang nagbuwis ng bahay kaya ang paglalatag ng seguridad sa  panahon ng Traslacion ay pinaghahandaan.

Kalimitan na umaabot ng mahigit 20 oras ang Traslacion bago tuluyang makapasok sa Manor Basilica ang Itim na Nazareno.