Abante Tonite Interactive

Tsansa ng ‘big bang’ bumaba

269

Kung titingnan ang mga parameter at batay na rin sa opinyon ng mga eksperto, bumaba na sa 30 porsiyento ang posibilidad na magkaroon ng ma­lakas na pagsabog ang Bulkang Taal, ayon kay Philippine Institute of Volcanology and Seismology (Phivolcs) Director Renato Solidum.

“We look at the mo­nitoring parameters that we have and binibigyan namin ng weight ito. We have experts that provide their opinion on what the data would be showing to us. Mayroon din ta­yong reference with the historical data that we have and the deposits that some of us have stu­died kino-combine namin ‘yan,” paliwanag ni Solidum kung paano nasabing 30% ang tiyansang pumutok muli ang Taal.

Sa pinakahuling mo­nitoring ng Phivolcs ay bumaba na ang mga naita­talang volcanic earthquake gayundin ang antas ng mga sulfur dioxide emission.

Ipinaliwanag ni Solidum na masasabi pa rin na mataas ang 30% lalo na sa mga residente na nasa loob ng 14km danger zone. (Tina Mendoza)