Abante Tonite Interactive

Tulog ang batas sa gabi

0 187

Dear Editor,
Sumulat po ako upang matutukan ang kawalan o pagtulog ng ating batas kapag sumasapit na ang gabi. Kapansin-pansin ito sa mga lugar dito sa Kamaynilaan.

Kasabay ng pagkawala ng mga ‘bantay’ ay nawawala rin ang mga batas o alituntunin sa ating mga kalsada. Katulad na lamang ng pagtawid sa tamang tawiran o ang pagsunod sa traffic lights.

Nakadidismaya ang kawalan ng disiplinang ito ng ating mga kababayan.

Abante Hiring – IT dep

Nagagawa lang na sumunod kapag mayroong ‘bantay’ ngunit kapag wala na ang mga ito susundin na ang sarili at tila walang batas o alituntuning dapat sundin. Lumalabas na itinuturing nilang tulog sa gabi ang ating mga batas.

Makarating po sana ito sa kinauukulan at mabigyang-aksyon.

Naniniwala po akong dapat galingin ang batas o anumang alituntunin sa kahit na oras dahil nalikha ang mga ito para sa kaayusan at kaligtasan ng lahat.

Maraming salamat po.
Zorro ng UP Diliman