Abante Tonite
Mabilis sa Balita

Wag makulit! Bar bawal pa

0 425

Nagbabala kahapon ang Department of Trade and Industry (DTI) laban sa mga may-ari ng mga bar na magbubukas ng kanilang negosyo sa mga lugar na nasa ilalim pa rin ng general quarantine community (GCQ).

Ayon kay DTI Sec. Ramon Lopez, hindi pa rin maaaring magbukas ang mga bar sa ilalim ng GCQ at tanging ang restaurant dining function nito ang papayagang magbukas hanggang alas-9:00 ng gabi.

Sa ilalim ng Resolution 48 ng Inter-Agency Task Force for the Management of Emerging Infectious Diseases (IATF-MEID) na inaprubahan noong Hunyo 22, 2020, pinapayagan ang mga restaurant at cafe na mag-operate pero limitado lang sa 30% capacity ng kanilang lugar at kailangang sumunod sa health protocols kabilang ang social distancing.

Inilabas ni Lopez ang babala matapos salakayin ng pulisya noong Linggo ang Skye Bar na sa 18th floor ng M1 Tower, Bgy. Salcedo Village, Makati City dahil sa mgaulat na bukod sa bawal pa itong magbukas, nagdaraos din ito ng mga ekslusibong pagtitipon na labag sa quarantine rules. (Mia Billones)

Leave A Reply

Your email address will not be published.