Werpa ni Durant sakto sa Nets
Kulang sa tao ang Brooklyn, pero sapat na nasa lineup ang leading scorer ng NBA na si Kevin Durant para salagin ang Philadelphia.
Umiskor ang 33-anyos, 6-10 ang taas na forward ng 34 kasama ang bihirang four-point play 1:46 pa sa orasan at hiniya ng Nets ang dumayong 76ers 114-105 sa 2021-22 league regular season game Huwebes ng gabi sa Barclays Center sa New York.
Nagdagdag ng parehong season-high 17 points sina Blake Griffin at Nic Claxton, may 14 pa si Patty Mills sa Eastern Conference-leading Brooklyn (21-8). Balandra ang Sixers sa 15-15.
Siyam lang ang na-uniporme sa Nets, pitong players ang nasa health and safety protocols kasama sina starters James Harden., LaMarcus Aldridge at DeAndre Bembry.
May 11 rebounds at 8 assists pa si KD, pangsapaw sa 32 markers, 9 boards at 6 dimes ni Joel Embiid at 29 points pa ni Seth Curry sa Philadelphia. (Vladi Eduarte)
