May bagong sagupaan na aabangan ang mga Kapamilya ng Viva.
Maghaharap ang Team Viva One at Team Viva Records sa inaabangang Viva All Star Games 2026 sa August 16 sa Smart Araneta Coliseum.
Hindi lang puro kantahan at pag-arte ang puhunan dahil susubukan ng mga Viva stars ang kanilang galing sa basketball court.
Pinangunahan ni Gab Lagman ang Team Viva One, kasama sina Wilbert Ross, Lance Carr, Joseph Marco, Jerome Ponce, Rabin Angeles, Jairus Aquino, Marco Gallo, Kyosu Guinto, PJ Rosario, Jac Abellana, Dann Aquino, at Martin Venegas.
May basketball credentials din sina Gab at Lance kaya siguradong hindi basta-basta ang laban. Si Lance ay may karanasan sa Palarong Pambansa at dating bahagi ng Ateneo basketball program.
Samantala, si singer-songwriter Arthur Nery ang team captain ng Team Viva Records. Makakasama niya sina Adie, Rob Deniel, Amiel Sol, Matthaios, Migo Valid, Nik Makino, Zeke Abella, Lesther Abano, Eugene Layug, Jeremy G, Juan Caoile, at Steven of Cuatro.
Bukod sa basketball, siguradong papainitin din ang Araneta sa Viva One vs. Viva Records Cheerdance Competition.
Kabilang sa Team Viva One ang Heaven Peralejo, Bea Binene, Angela Muji, Rhen Escaño, Jaime Yllana, Zeke Polina, Mico Chua, GAT members Ethan David, Charles Law at Derrick Ong, pati ang P-pop girl group na RAYA.
Sa panig naman ng Viva Records, sasabak sina Aubrey Caraan, Krissha Viaje, Mia Bella, Hyacinth Callado, ALAMAT members Jao at Tomas, CJ Villavicencio, GAT members Michael Keith at Hans Paronda, Xerenade’s Eli, at P-pop girl group Sugar N’ Spice.
Bukod sa basketball at cheerdance, inaasahang magiging tampok din ang biruan, friendly competition at suporta ng kani-kanilang fans.
Kaya ang tanong: Team Viva One o Team Viva Records, sino ang mag-uuwi ng bragging rights?
Abangan ang pukpukan na labanan ng Viva All Star Games 2026, August 16, sa Smart Araneta Coliseum! (Roldan Castro)
