Abante Tonite
Mabilis sa Balita

Williamson, Pelicans sinorpresa ang Jazz

0 83

Walong tao lang ang isinagupa ng Pelicans, pero sapat ang puwersa nina Zion Williamson, Brandon Ingram at Lonzo Ball para hiyain ang league-leading Utah Jazz 129-124 sa 75th NBA regular season game Lunes ng gabi sa Smoothie King Center sa New Orleans.

Nagsumite si Williamson ng 26 points, 10 rebounds at 5 assists, may 26 din si Ingram at 23 markers, 7 boards at 8 dimes kay Ball upang iputong sa kanilang team ang 15-19 win-loss slate.

Mainam ding naka-17 points si JJ Redick tampok ang dalawang nakumpletong four-point play para sa New Orleans.

SM food to go Banner Ad

Nagliyab sa labas ng arc si Bojan Bogdanovic na naka-pitong 3s tungo sa game-high 31 points sa Jazz, natikman ang pangalawang talo sa tatlong laro pero lider pa rin sa liga sa 27-8.

Umayuda ng 22 points, 9 rebounds at 5 blocks si Rudy Gobert, may 21 markers at 8 assists si Donovan Mitchell at 20 points din kay Fil-Am Jordan Clarkson. (Vladi Eduarte)

Leave A Reply

Your email address will not be published.