Willie tumira sa squatter

NI: VINIA VIVAR

Hindi mapapasubalian na isa sa nagpapasaya kay Willie Revillame ay ang makitang may mga natutulungan siya in his own way at sa pamamagitan din ng kanyang programang Wowowin.

“Every time na may nagba-Viber sa ‘min nagpapasalamat, pinapakita ‘yung pinamili – bigas, ‘yung gamot ng nanay, ‘yung gamot ng tatay. I think ‘yung realization nito is kailangan na kailangan natin ng tulong sa mga kababayan natin,” aniya.

Galing din daw siya sa hirap kaya ramdam na ramdam daw niya ang pinagdadaanan ng mga taong humihingi ng tulong. Naranasan din daw niya ang tumira sa squatter before.

“Minsan pag may nakikita akong bata, ‘Ito ako dati, dito ako nanggaling.’ So nararamdaman ko ‘yon,” sey ni Willie.