Abante Tonite Interactive

Yeo petmalu, Mighty pinalapit sa titulo

351

Tuloy ang bagsik ng Mighty Sports Apparel-Go for Gold Philippines sa 41st William Jones Cup 2019, tinambakan ang Indonesia 94-66 sa Xinzhuang Gym sa New Taipei City Biyernes ng hapon.

Ikaanim na pagragasa na ito ng MSA-GFG PH sa gayung daming laro para lumapit sa korona, na huling pinagwagian ng Pilipinas taong 2016 via 8-game sweep.

Pagkalipas ng dalawang araw na pahinga pagkadispatsa sa South Korea nitong Martes, balik trabaho ang mga import ng Mighty na sina Renaldo Balkman at Eugene Phelps.

Abante Hiring – IT dep

‘Di rin nagpahuli ang Filipino veteran na si Joseph Yeo na pasiklab ng 14 markers at 2 assists.

Sa simula pa lang ay kontrolado na ng Mighty Sports ang Indonesians sa pagtarak ng 15 puntos na kalamangan sa halftime ng laro, 45-30.

Kailangan na lang talunin ng Mighty Sports ang Taiwan-A ngayong Sabado para makuha ang titulo. (Aivan ­Episcope)